bepal
w.v.wizlsperger | h.ditsch

bepal:
wia kumds das si di besdn fraun
olaweu nua auf d gresdn drotln haun
i waas es ned, mia is a wuaschd

i waas nua ans, des gute mädl
hod jezz an echdn fezznschädl
a glaane leichdn mid an großn duaschd

chor des gesunden hausverstands:
bepal blausch ned
bepal reis di dsaum
du hosd no deine schdaumdischbriada
und de scheenan weanaliada

rea uns ned di uan voi
dring no wos und loch amoi
bepal reis di dsaum

«

bepal:
i griag olaweu den weisl
und ia schiggds mi dsum rean aufs heisl
es drotlgfrisa mochds mi graung

weu ia reds nua bleed und schraufds eich dsua
dsum lita dsoin bin i guad gnua
auf soiche freind scheis i scho laung

chor des gesunden hausverstands:
bepal schleich di
rea wen aundan au
dei raundsarei geed uns am dsaaga
häng di auf min hosndraga
waunsd da nimma dshöfn waasd
daun schau obsd unta d schnöbaun bassd
bepal draa di haam

«