heazkaschbalboika
w.v.wizlsperger / h.ditsch, p.skrepek

vom schnuaboad drobfd entschlossnheit
die brust erfüllt ein sehnen
die eigaln glänzn kaumbfbereit
is bluad brennd in die weenen

die dsähnd san fest da mogn fadaud
die lewa kaun wos schlukkn
nua seit mi d gerda owehaud
tuats mia des heaz zadrukkn
und i lieg nua mea am kanapee
und lees faread mei ee ka ge

waun des heazal aufhean tuad zum schlogn
schlogt si des a auf d lewa und am mogn
a is beischl die niandln und is hian
wean glei drauf in die rentn bäulisian
füa mei bumpal is nix mea bumpanswead
mit an bumpra brakkts mi unta d ead
und de nosn di eigaln und di uan
haum daun niggs mea auf dera wöd faluan

«

im schnuaboad pikkt da graudsolod
die brust erschdikkt ein gähnen
di eigaln schdian schdua keazngrod
is bluat schdaud si in d weenen

die dsähnd foin aus di lewa schrumbfd
da mogn fadaud si söwa
rein psichisch bin i schwea batea
owa köapalich im kölla
und mei heaz schdeed schdü und zidad laud
seit mi di gerda owehaud

waun des heazal aufhean tuad ...
«