dschangos rache
w.v.wizlsperger

eine in d´schdiefün mid d´süwanen schborn
und ausse in d nochd mid an schdochl im hian
i wia eh boid ins ewiche wuaschddseig faschiad
lewakaas san längsd scho meine ressa

ausse in d nochd mid an schdochl im hian
i bikks aun d´waund de grindign gfrisa de gfrasta
lewakaas san längsd scho meine ressa
wauns mi in d blia haud schead si ka hund

«

i bikks aun d´waund de grindign gfrisa, de gfrasta
amoi ned imma is glik so blamian
wauns mi in d blia haud schead si ka hund
nua amoi olas ois auf amoi

amoi ned imma is glik so blamian
amoi ned imma so tuan nua ois ob
nua amoi olas ois auf amoi
eisn und messa und bluadige schuach

«

amoi ned imma so tuan nua ois ob
vabrenna vua glik und dasaufn im zuan
eisn und messa und bluadige schuach
am bluad si vagee ois wia sunst nua am lebm

vabrenna vua glik und dasaufn im zuan
mid süwane schborn und an schdochl im hian
am bluad si vagee ois wia sunst nua am lebm
i wia eh boid ins ewiche wuaschddseig faschiad
«