fleischhokka
w.v.wizlsperger / martin zrost

wos nutzt an die scheenste sau, fuadad mas und schauts nua au
woits a bradl in da rean, muas de sau a gschdochn wean
beischl, lewa, heaz und hian, vuahea muas de sau krepian

und die ochsn und die stia, gebm ka müch und eagan d´kia
wan nua guat zum wagal zaan, waun die fleischhocka ned waan
hiefaschwanzl, meisl, schoin, so loss ma uns a rindsviech gfoin

ref.:
schnitzl, schdözzn und karee, söchschbegg, schinkn und filee
jo schweindaln fuadan warat fad, wauns kan gab ders schlochtn tat
... wauns kan fleischhocka ned gab

«

i hob nix gegn a ochsngschbaun, owa liawa sans ma in da pfaun
ois beiriad, kügal, kruschbüschbids, scheazal, triastl, tofüschbids
scheazal, beiriad, kruschbüschbids, aundascht hod a ox kan wids

i hob sea gean a fleisch im mogn, und kaun nedamoi a fliagn daschlogn
i kaun a ka bluad ned segn, owa a blunzn tua i sea gean megn
ea kaun a ka bluad ned segn, owa a blunzn tuat a sea gean megn

ref.:
käsegreina brodwuaschd hasse, debredsina und globasse
gabs nua wuaschdheid ohne fü, waas auf d´wiaschdlschdänd sea schdü
gabs nua wuaschdheid mid nix drin, gabs kan wiaschdlschdaund in wien
... gabs kan wiaschdlschdaund in wien

und miaßad i goa a viech dranschian, do dadad i mi sea schwea blamian
valuan waa i und gaunz deschbarat, wauns kan fleischhocka ned gab

ref.:
schnitzl, schdözzn und karee, söchschbegg, schinkn und filee
jo schweindaln fuadan warat fad, wauns kan gab ders schlochtn tat
schweindaln fuadan warat öd, wauns da fleischhocka ned töt

«