fridattencouplet
w.v.wizlsperger / heinz ditsch, paul skrepek

auf mein beischdödischal daunzn d´süwafischal
in da suppm drinnan übm d´fridattn schwimma
und hinta da oiddeitschn kommodn
do schrein und vamean si di grodn
so a kostn kost d´höfte wau ma d´kostn hoibiad

untan schbizzndeckal schbüt a schneck vaschdeckal
auf di zimmapflaunzn jausnan d´feiawaunzn
nua wegn mia brauchad i ka bidet
i los trotzdem schdee fia di wossaflee
is bidet des bleibt schdee fia di wossaflee

weu di vichaln san glikklich
und a mia geeds ned schlecht
a uadnung muas sei, aba artengerecht!
a uadnung muas sei, owa oatngerecht!

«

eanan eignan wün haum meine hausschdaubmübm
das sa si ned vakün, dans hintan ofn schbün
und in di eimochglasln in da schbeis
do nisdn seit joan hundat honigleis
in da schbeis in di glasln do nisdn die leis

in mein tintnfassl schloft a köllaassl
in mein sundogsbrodn san am mondog d´modn
in mein aundsug foad a grottnbaun
wos si d´mottn duat ledsdes joa eibaud haum
di mottn foan grottnbaun seit das is haum

und di vichaln san glikklich
und a mia geeds ned schlecht
a uadnung muas sei, owa artengerecht!
jo a uadnung muas sei, owa oatngerecht!

«

mottn, modn, rozzn, meis
hausschdaubmübm, fridattn, leis
schbinarinnen, grodn, waunzn
ole gfrein si, ole daunzn:

d´glanan süwafischaln daunzn meistns offn
und da kakalak dea daunzd am bestn bsoffn
den takt dazua tan brav di köllaassln
midn köllaasslschlisslbundal rassln

jo, di vichaln san glikklich
und a mia geeds ned schlecht
jo a uadnung muas sei, owa oatngerecht!
jo a uadnung muas sei, owa oatngerecht!

«