des letzte
antonio fian | heinz ditsch

Da letzte Orsch wird heut Direktor,
da letzte Trampel haßt se a gnä Frau.
Nur i bin oewäu no des Letzte,
da blede Hund, die blade Sau.

Die letzte Wochn woa zum Schmeißn.
Heit is da Letzte, i bin stier.
Die letzte Bim haum s' lang scho ein'zogn,
i trink alaa mei letztes Bier.

Da letzte Schluck bleibt in da Floschn,
des letzte Bett steht net daham,
des letzte Hemd hot kane Toschn,
da letzte Schlof hot kane Tram.

«

Da letzte Wiaschtlstaund mocht Sperrstund',
's is Zeit zum Hamgehn, waun's no geht.
A letzter Stern leicht' no a bissl
und woat', doss d' letzte Sunn aufgeht.

Mei letztes Glück is, waun's so stü is,
oes warn die Gfraßta olle hi,
und i bin's Letzte, wos ma bliebn is,
und i waß endlich: I bin i.

Da letzte Schluck bleibt in der Floschn,
des letzte Bett steht net daham,
des letzte Hemd hot kane Toschn,
da letzte Schlof hot kane Tram.
«