wiener paarreimmassaker
w.v.wizlsperger | paul skrepek

schbüns im radio blosmusigg
regd si auf di dschessgridigg
gangads noch mein eignan wün
dadns nua heinz conrads schbün

a bangal schdeed im besalbak
das hod ka lene und kan lak
oft besizz is vüle schdund
waun i s reis, schead si ka hund

«

da schuasta auf da erdbeagschdrossn
hod si in mei frau vaschossn
is schuastan gfreid eam ned so recht
obwoi as sea gean schnaksln mecht

da schuasta auf da erdbeagschdrossn
hod si in mei frau vaschossn
schuastan schdrengd eam zu sea au
nua guat das a no schnaksln kau

«

wer nicht wagt, der nicht gewinnt
und wer verzagt, mochd nie a kind
solaung da wein in d gurgl rind
und jeda no sei wonung find

moch ma drei, via, fünf so baungad
in dem foi das ans eagraungad
häd ma vire imma no
i frog mi nua, wer brauchd des scho?

trottln gibds zwoa eh scho gnua
trozzdem moch ma an dazua
wiads a madl, tausend rosn
kauf ma ia a trainingshosn

«

schee woas neilich nochd mid dia
schee woas neilich nochd mid mia
schee wos freilich efta scho
meistns oasch is sowieso

und der häuptling der abatschn
mocht aus bisonhaud sich batschn
auf soiche beg schdeed a sis sea
waun as aufdraad: nimmamea

«

liegsd am bodn und knian auf dia
drei kiwara vom alarmrewia
kriagsd ka lufd und sogsd niggs mea
mochn sa si doppüd schwea

is bundeshea hods a ned leichd
di kämpfa san gaunz aufgeweichd
und ist dann die flasche leer
schbün sa si min schduamgewea

«

jo is lebm des is a hit
haubdsoch is, du mochsd dein schnit
am besdn glei ins eigne fleisch
di scheensdn san di middogsreisch

weusd is schiggsoi ned biagn kaunsd
drum nimm da, wosd griagn kaunsd
los auglaand di mazda, büschoo und merzedes
häng da an um und gee ham per pedes

«

i hob im lebm ned vü zum lochn
tua nua woschn, bügln, kochn
gschroppn kampün, kiachn geh
drodsdem find is lebm schee

i hob im lebm ned vü zum lochn
tua nua woschn, bügln, bochn
hausfreind, keks und linzaaugn
kostns ruig, si wean scho schaun

«

chor:
gemma schaun, gemma schaun
ob da lewakas scho schimmüd
weu da greißla eam auhimmüd
und aus liebe ned vakaufd

a schdod volla trottln
am laund lauda gscheade
und ole sans fett
wia di russische erde

«

wird möglicherweise im nächsten jahr fortgesetzt ...