s spüt si o
w.v.wizlsperger

mei glaana bruada wiad boid onkl, nua mei nichde is ned daufd
mei kuseu hod günsdig aun sein schwoga, a oide woschmaschin vakaufd
und die nichde vo mein nochban, hod die dant vom dscho seggiad
weu da ex mau von da quappil, hod sein schdiefsohn ane gschmiad

a schuikolleg vo mia vo fria, foad seit sechs joa an kadet
maunche sogn vo eam ea is a gniara, aundre findn eam sea net
neilich ruafd mi au mei schwesta, i hobs afoch ignoriad
weu ia mau hod mid sein dsiehsohn, grod die weihnochdswoa ausgfiad

i kent ihna no schdundnlaung so dazön
owa nua, wauns ina indressiad

«

da lewakaas hasds wiad boid deira, heid aufd nochd gibds nua wos koids
in alfons seine schaud ma goa ned guad aus, da opa mand in alfons gfoids
muagn lossd si mei jingsda scheidn, ea hod betwäsch imboadiad
da diregda von da voiksschui, hod si fuachdboa eschofiad

in meine augn hod des ka zukunft, ollaweu nua hollaro
aufstee saufn hilegn wieda aufstee, auf ans zwa drei bisd nimma do
a scheena summa woa des heia, i hob kaum delefoniad
zwa drei moi mid meina schwesta, weus in winta maturiad

i kent ihna no schdundnlaung so dazön
owa nua, wauns ina indressiad

«

die schakeline mei kusine, wohnd in eichgrobm bei da dant
beruflich mochts is söwe wia da onki, odsiagbüdlfabrikant
da doggda rigla foad noch englaund, mia haum sea vü tarokiad

manchmoi bet i dsu mein heagod, das as weinhaus resdauriad
manchmoi bet a dsu sein heagod, das as weinhaus renowiad

votta unsa obm im himmü, meina sö i wü ned klogn
owa meisdns is hoid ned grod afoch, die binkaln san fost ned zum drogn
votta unsa obm im himmü, siechst du ned wia mia uns plogn

wau ma hi san wiasd uns richdn, owa jezz hosd nix zum sogn
wau ma hi san kaunsd uns richdn, nua jezz hosd nix zum sogn
«