i bin hoid a sumpa
t.: w.v.wizlsperger

i bin hoid a sumpa
i bin hoid a weh
i schdö mi vua eich hi
und reis bleede schme

des glasal im handal
is glei wieda lea
reissts auf no an doppla
und bringds man schnö hea

ei ei, ei ei
hulu brum, hawadidl sum

«

i bin hoid a drangla
i bin hoid a bsuf
buanheidlvabiaga
bin i von beruf

i hob kan scheniara
mei nochred is schlecht
reissts auf no an doppla
jezz sauf i erscht recht

ei ei, ei ei
hulu brum, hawadidl sum

«

i bin hoid a wappla
i bin hoid a suam
wauns endlich aus wiad sein
daun hauts mi in d gruabm

mei lebm is so sinnlos
mei schädl so lea
und easchd noch zwa doppla
is ois hoib so schwea

ei ei, ei ei
hulu brum, hawadidl sum

«

i kaun nimma sizzn
i kaun nimma schdee
ole lossn mi auglaand
hauts mi auf schreins: juche!

nua s glasal im handal
des hoid no zu mia
reissts auf no an doppla
oda bringds ma a bia

ei ei, ei ei
hulu brum, hawadidl sum
«