zizalweis

text: w.v.wizlsperger
musik: heinz ditsch


parlando:
maunche haums oft ziemlich eulich, dran si ham um d' nächsde ekn
owa mia is a launga obgaung heulich, i wü die botschn gmiadlich schdrekn

na, i ren ned gwea iwa a brukn, i brauch kan schdrigg und ka bisdoin
i wea a kane buifal schlukn, mi soi da deifü laungsaum hoin

i reiß mei bangal gauns bomale, weu ealich gsogt: mia ged da reis
i moch mia a laungs finale, i zaleg mi zizalweis:

mit schwung:
di lewa hod si topfa ghoidn, nua kumd ma fua in ledsda zeid
is gschrumpft zu ana soagnfoidn, i sauf jezz bis is nimma gfreid

a nian is eh seit joan scho hi, di zweite schikk i jezzt in d rentn
i bin ned siarig, woas a ni: weas wü kauns gean a no fawendn

chor: weas wü kauns sea gean no fawendn

mit bedacht:
da mogn, di darm, des gaunze graffü, de san eigandlich no ziemlich gsund
i haus jezz eine in a schaffü, des wiad da leichnschmaus fian tassilo
des is mei hund

mit schwung:
a wochn drauf nua jo ned hezzn, wea i ma s beischl eggschdiabian
des kents auf an fiaka sezzn und auf hchchchhüa daun weggafian

mei bumpal moch i no ned meia, des heb i ma füa muagn auf
zeascht schdobf i ma is hian in d' eia – so nimmt das leben seinen lauf

chor: so nimmt das leben seinen lauf

nachdenklich:
am nächsdn dog is grau finale, i rizz man buis und leg mi nieda
woat bis heazal nimma globfd. draussd im goatn bliad da flieda
daweu ma zizalweis, bomale, des bissal lebm in di betwäsch drobfd